Ana Nganisyo sya Yehofa Sili Syamtuli?

Mkanitutende cisagula cilicose, cinga cekulungwa kapena camwana, ana tukusaliwusya kuti ‘Ana nganisyo sya Yehofa sili syamtuli?’ Atamose kuti nganituŵa tumanyilile cilicose pakwamba yakusaganisya Yehofa, nambope jwalakwe akusalimanyikasya cenene m’Maloŵe gakwe ni cakulinga cakuti tukombole kamula “masengo gambone galigose.” (2 Tim. 3:16, 17; Alo. 11:33, 34) Yesu ŵamanyililaga cenene yakulinga ya Yehofa mwamti ŵayiwonaga kuŵa yakusosekwa mnope paumi wakwe. (Yoh. 4:34) Pakukuya yaŵatesile Yesu, kwende tutendeje yampaka tukombole kuti tumsangalasye Yehofa patukutenda yisagula yetu.​—Yoh. 8:28, 29; Aef 5:15-17.

ALOLELE FIDIYO JAKUTI APITILISYE KUMANYILILA CAKULINGA CA YEHOFA (LEF. 19:18), KANEKO AJANJE YIWUSYO YAKUYICISYAYI:

• Ligongo cici tukusosekwa kamulicisya masengo yiwundo ya m’Baibulo paumi wetu?

• Ana ni yiwundo yapi ya m’Baibulo yampaka yitukamucisye patukusagula nyimbo?

• Ana ni yiwundo yapi ya m’Baibulo yampaka yitukamucisye patukusagula yakuwala soni kulisalalisya?

• Ana ni mbali sine syapi paumi wetu syampaka tukamulicisye masengo yiwundo ya m’Baibulo?

• Ana mpaka tukusye camtuli umanyilisi wetu pakwamba yakulinga ya Yehofa?