Kongolela Katende Ketu ka Undumetume​—Kamulicisya Masengo Yiwusyo Mwalunda

LIGONGO CICI KULI KWAKUSOSEKWA: Naga “nganisyo sya mumtima mwa mundu sili mpela mesi ga m’cisima cakusokoka,” nikuti yiwusyo yili mpela cakutecela mesigo. (Miy. 20:5) Yiwusyo yikusatukamucisya kumanyilila mwakuganicisya ŵakupikanila ŵetu. Yiwusyo yakusagulidwa mwalunda yikusakola yakuyicisya yambone. Yesu jwakamulicisyaga masengo yiwusyo mwalunda. Ana mpaka tumsyasye camtuli jwalakwe?

MWAMPAKA TUTENDELE:

• Awusyeje yiwusyo yakamucisya kumanyilila nganisyo sya mundujo. Yesu jwakamulicisyaga masengo yiwusyo kuti amanyilile nganisyo sya ŵakumkuya ŵakwe. (Mat. 16:13-16, be-CN 238 ¶3-5) Ana ni yiwusyo yapi yampaka awusye yakwakamucisya kumanyilila nganisyo sya mundujo?

• Awusyeje yiwusyo yakumlongolela mundujo ku ciwundo cinecakwe. Pakusaka kongola kaganisye ka Petulo, Yesu jwam’wusisye yiwusyo yayatendekasisye Petulo pambesi pakwe kumanyilila ciwundo cakusosekwa. (Mat. 17:24-26) Ana ni yiwusyo yapi yampaka am’wusye mundu ni cakulinga cakuti amanyilile ciwundo cakusosekwa?

• Am’yamicileje. Panyuma pakuti mlembela “ajanjile mwalunda,” Yesu jwam’yamicile. (Maliko 12:34) Ana mpaka am’yamicile camtuli mundu jwajanjile ciwusyo?

ALOLELE MBALI JANDANDA JA FIDIYO JAKUTI AKAMULEJE MASENGO GAŴAKAMWILE YESU​—KWIGANYA, KANEKO AJANJE YIWUSYO YAKUYICISYAYI:

• Ligongo cici cisyasyoci cili cangakamula mtima, atamose kuti ngani jakwe jili jisyesyene?

• Ligongo cici tukusosekwa kutenda yejinji kupunda kwamba kulondesya ngani?

ALOLELE MBALI JAŴILI JA FIDIYOJI, KANEKO AJANJE YIWUSYO YAKUYICISYAYI:

• Ana m’baleju jwakamulicisye masengo camtuli yiwusyo mwalunda?

• Ana ni yindu yapi yampaka tujigalile pa kajiganye kakwe?