Yatukulijiganya Kutyocela M’buku ja Yona

M’maloŵe gakwe, Yehofa asunjile mbili ja acalume ni acakongwe ŵakulupicika pakusaka kutujiganya majiganyo gakusosekwa mnope. (Alo. 15:4) Ana mpaka tulijiganye cici kutyocela m’buku ja Yona? Alolele fidiyo jakuti Kulambila kwa Peŵasa: Yona—Kulijiganya Kutyocela ku Canasa ca Yehofa, kaneko ajanje yiwusyo yakuyicisyayi:

• Ana ŵakulalicila ŵatatu ŵatwaweni mu fidiyoji ŵasimene ni yakusawusya yamtuli?

• Ana buku ja Yona mpaka jitukamucisye camtuli naga tupegwile camuko kapena maundumetume getu gamasile? (1 Sam. 16:7; Yona 3:1, 2)

• Ana cakutendekwa ca Yona mpaka citukamucisye camtuli kola nganisyo syambone pakwamba ya ŵandu ŵa mumkuli mwetu? (Yona 4:11; Mat. 5:7)

• Ana yaŵasimene nayo Yona mpaka yitutondoye camtuli naga tukulwala mnope? (Yona 2:1, 2, 7, 9)

• Ana alijiganyisye cici kutyocela mu fidiyoji pangani ja kusosekwa kwa kuŵalanga Baibulo soni kuganicisya mwakusokoka?