Ana Akusakuwona Kulambila Kweswela Kuŵa Kwakusosekwa Mnope?

Ayuda ŵaŵaliji acikapolo ŵalimbikasidwe ni mesomkulola ga Esekiyele gakwamba nyumba jakulambilila ligongo gapele cembeceyo cakuti kulambila kweswela kuciwucisidwa. Masiku gakumalisya gano, kulambila kweswela ‘akutamilikasisye penani mnope pa matumbi,’ soni m’weji tuli ŵane mwa ŵandu ŵakwawula kumaloku. (Yes. 2:2) Ana ndaŵi syosope akusayamicila upile wakwete wakummanyilila soni kumtumicila Yehofa?

MAJALI GAKUYIKA LIGONGO LYA KULAMBILA KWESWELA:

• 

  Cakulya causimu cejinji cikusatukamucisya kwanga yiwusyo yakusawusya mnope yakwaya umi, mwampaka tutamile, soni cembeceyo catukwete.—Yes. 48:17, 18; 65:13; Alo. 15:4

• Ubale wetu wapacilambo cosope.—Sal. 133:1; Yoh. 13:35

• Upile watukwete wakuŵa ŵamasengo acimjakwe ŵa Mlungu.—Mase. 20:35; 1 Akoli. 3:9

• “Mtendele wa Mlungu” wawukusatulimbikasya ndaŵi jakusawusya jino.—Afi. 4:6, 7

• Kola cikumbumtima ceswela.—2 Tim. 1:3

• “Unasi wambone ni Yehofa.”—Sal. 25:14

Ana matala gapi gampaka ndocesye kuti ngusakuwona kulambila kweswela kuŵa kwakusosekwa mnope?