Akamulicisyeje Cenene Masengo Mabuku Gakusala ya Baibulo

Yesu ŵajiganyisye kuti, “Mwapocele kwalulele mpelecesoni kwalulele.” (Mat. 10:8) Tukusapikanila yaŵasasile Yesuyi mwangalipilikasya ŵandu Mabaibulo soni mabuku getu gakutagulila ya Baibulo. (2Akol. 2:17) Atamose yili m’yoyo, mabuku getu gakusakola usyesyene wapenani wakutyocela m’Maloŵe ga Mlungu. Gakusaŵa masengo gekulungwa kulinganya soni kutumisya mabuku m’mipingo pacilambo cosope. M’yoyo, tukusosekwa kujigala mabuku gatukusosecelape.

Patukugaŵila mabukuga mu undumetume tukusosekwa kuŵa ŵakusamala. (Mat. 7:6) M’malo mwakwambaga kumpa jwalijose mabukuga, alinje kutagulilana najo kuti amanyilile naga akwete lung’wanu. Yiwusyo yayili m’libokosiyi mpaka yakamucisye kumanyilila naga mundujo akwete lung’wanu kapena iyayi. Naga ngatukumanyilila ya mundujo kuti akwete lung’anu kapena iyayi mpaka tugambe kumpa kapepala. Nambope, naga mundu akuŵenda magasini kapena buku mpaka tumpe.—Miy. 3:27, 28.