Ana Akukamulicisya Masengo Kadi ja JW.ORG?

akuŵa tuŵandicile mnope yisawusyo yekulungwa, tukusosekwa kamula masengo gakulalicila mwacitema. (Miy. 24:11, 12, 20) Kuti twakamucisye ŵandu mpaka tukamulicisye masengo kadi jakamucisya kumanyilila ya Maloŵe ga Mlungu soni ya webusayiti jetu. Kadiji jikwete kacimanyililo kakumlongolela mundu ku fidiyo jakuti Ligongo Cici Tukusosekwa Kulijiganya Baibulo? soni pampaka aŵendele kuti amanyilile yejinji kapena lijiganyo lya Baibulo. Ŵandu ŵane ŵangasaka kupocela mabuku getu nambo akusakunda kwinjila pa webusayiti jetu. Akakokoŵa kwapa ŵanduŵa kadiji. Atamose yili m’yoyo, ngakusosekwa kwapa kadiji ŵandu ŵanganalosya lungwanu.

Pakutenda yindu ya lisiku ni lisiku mpaka aŵecete ni mundu mwakutesya lung’wanu kuti: “Ngwete kanekakwe kangusaka nape. Kadiji mpaka jalongolele ku webusayiti jetu kwampaka amanyilile yejinji soni kupata mafidiyo mwalulele pa ngani syakulekanganalekangana.” (Yoh. 4:7) Ligongo lyakuti makadiga gali gamwanamwana, mpaka asunjeje gejinji ni kwagaŵilaga ŵane pakulalicila mwaupile.