Matala Gakamulicisya Masengo Pologalamu ja JW LIBRARY

PAKULIJIGANYILA:

• Kuŵalanga Baibulo soni lilemba lyesiku.

• Kuŵalanga Buku Lapachaka, magasini, soni mabuku gane. Akamulicisye masengo kacimanyilo kakwakamucisya kumbucila palecele kuŵalanga

• Kosecela misongano ja mpingo soni kulemba msele papakusimanikwa kwanga kwa ciwusyo

• Kulolela mafidiyo

PAMISONGANO:

• Kuŵalanga lilemba lyakolasile jwakuŵeceta ngani. Kamulicisya masengo kacimanyilo kakulosya yindu yatwawugwile kala

• M’malo mwakujigala mabuku gakulekanganalekangana kumisongano, akamulicisye masengo foni kapena tabuleti jawo kuti akuyeje pologalamu josope soni kwimba nyimbo. Pologalamu ja JW Library jikwete nyimbo syasigambile kopoka kwene nambo syakuti nganasiŵice m’buku ja nyimbo

MU UNDUMETUME:

• Amlosye mundu jwalung’wanu cine cakwe kutyocela pa JW Library, kaneko amlimbikasye kuti ajigale pologalamuji soni mabuku gakulekanganalekangana pa foni kapena pa tabuleti jakwe

• Akamulicisye masengo kacimanyilo kakuwungunyila maloŵe kuti apateje lilemba lya m’Baibulo.

• Amlosye fidiyo. Naga msyenenyumba akwete ŵanace, komboleka kwalosya kamo mwa tumafidiyo twa Kalebi. Kapena amlosye fidiyo jakuti Ligongo Cici Tukusosekwa Kulijiganya Baibulo? Yeleyi yicitendekasya kuti mundujo atande kulijiganya Baibulo. Naga asimene ni mundu jwakusaŵeceta ciŵeceto cine mpaka amlosye fidiyo ja m’ciŵeceto cakwe

• Amlosye mundu jwasimene najo mu undumetume kagopolele ka lilemba lilyolyo mu Baibulo jine. Kuti atende yeleyi ajawule pa lilembalyo ni kutowanya pa kacimanyilo kakali pa lilembalyo kuti alole mwaŵagopolele m’Mabaibulo gane