Libokosi Lya Yiwusyo

◼ Ana Ndaŵi Japi Jampaka Alece Kutenda Lijiganyo lya Baibulo ni Mundu?

Naga jwakulijiganya Baibulo ngakwawula pasogolo, mwalunda mpaka alece kutenda lijiganyo lya Baibulolyo. (Mat. 10:11) Nambo akusosekwa kuganicisya yindu yakuyicisyayi: Ana akusasimanikwa pa lijiganyolyo? Ana akusakosecela lijiganyolyo mkanipaŵe? Ana pakwete pajawile ku misongano ja mpingo? Ana akusiŵasalila ŵane yakulijiganyayo? Ana jwalakwe akucenga umi wakwe mwakamulana ni yakulijiganya m’Baibulo? Akusosekwa kuganicisyasoni ukulu, soni lunda lwa mundujo, Akaliŵalila kuti mundu jwalijose akusajawula pasogolo mwakulekangana ni mjakwe. Naga alesile kutenda lijiganyo lya Baibulolo, akumbucile kuti amsalile mundujo kuti yili yakomboleka kutandilasoni msogolo.—1 Tim. 2:4.