Yampaka Aŵecete

Ana kwanga kwa Yiwusyo Yakusosekwa Mnope ya pa Umi Mpaka Tukupate Kwapi?

Ampe msyenenyumba kapepalako kuti alole mtwe wakwe kaneko aŵecete kuti: “Ali uli? Tukukamula masengo gagakutendekwa pacilambo cosope gagaŵila ŵandu kapepala keleka. Kapepalaka kakwete utenga wakusosekwa mnope.”

Naga nganamsimana msyenenyumba, alece kapepalaka pa malo gakuwonecela cenene, soni akasakapinda mwagasamala.

Naga msyenenyumbajo ali jwalung’wanu, soni akusaka kutagulilana najo yejinji, mpaka am’wusye nganisyo syakwe pa kajanje ka ciwusyo cacili pa mtwe wa kapepalako. Awugule kapepalako ni kumlosya yalikusati lilemba lya Salimo 119:144, 160. Amsalilesoni kuti kapepalaka kakwete yine yakwamba webusayiti jakamucisya kupata kwanga kwa yiwusyo yakusosekwa mnope. Mpaka amlosyesoni kafidiyo kakuti, Ligongo Cici Tukusosekwa Kulijiganya Baibulo? Mkanatyoce amlosye yiwusyo yitatu yayili pa peji jakumalisya ja kapepalaka, soni am’wusye ciwusyo cacikumsangalasya mnope. Akamulane najo yakuwujilako kuti cakatagulilane ya kakamulicisye masengo ka webusayiti jetu ja jw.org. Pacawujilepo, akatagulilane najo ya kwanga kwa yiwusyo yine mwakwamba kwawula palembile kuti, YIJIGANYO YA M’BAIBULO > KWANGA KWA YIWUSYO YA M’BAIBULO.

Naga akugaŵilasoni kapepala kakuŵilanjila ŵandu ku msongano waupande, am’gaŵile msyenenyumbajo kapepalaka pandaŵi jijojo, nambo ajonjecesye maloŵe gakuti, “Tukwetesoni kapepala kane aka kakwaŵilanjila acimjetu ku msongano wekulungwa.”

Nsanja ya Olonda August 1

Kumbesi kwa cijumaco aŵecete ayi pakugaŵila Nsanja ya Olonda: “Tukusakasoni twape magasini jasambano aji. Ngani ja mu Nsanja ya Olonda jeleji jikwanga ciwusyo cakuti, Ana Mlungu akusiŵaganicisya wawojo?”

Galamukani! August

Kumbesi kwa cijumaco aŵecete ayi pakugaŵila magasini ja Galamukani!: “Tukusakasoni twape magasini jasambano aji. Ngani ja mu Galamukani! jeleji jikwanga ciwusyo cakuti, Ana mpaka atende wuli naga atindene nganisyo ni mjawo?”