Maloŵe Gandanda ga Mbali 13

Yesu ŵayice pacilambo capasi kukupeleka umi wakwe m’malo mwa ŵandu ŵangali umlama. Atamose kuti ŵawile, jwalakwe ŵacigomece cilambo. Yehofa ŵaliji jwakulupicika kwa Mwanagwe mwamti ŵamjimwisye kuŵawe. Kwicila mpaka paciwa cakwe, Yesu mwakulinandiya ŵatumicilaga ŵane, soni ŵakululucilaga palemwisye. Ali ajimwice kuŵawe, Yesu ŵawonecele kwa ŵakulijiganya ŵakwe. Jwalakwe ŵajiganyisye mwampaka akamulile masengo gakusosekwa mnope gaŵapele jemanjajo. Naga ali nangolo, amkamucisye mwanace jwawo kumanyilila kuti m’weji tukusosekwa kamulaga nawo masengo gelega masiku agano.