Ana ŵa Mboni sya Yehofa Akusakulupilila Kuti Dini Jawo Jili Jisyesyene?

Ŵandu ŵakusanonyela mnope ya dini akusaganisya kuti Mlungu soni Yesu akusajijitichisya dini jawojo. Naga nganiyiŵa myoyo, ligongo chichi akupitilisyape kuŵa mu dinijo?

Yesu Klistu nganajitichisya nganisyo syakuti pana dini syejinji, soni misewu jejinji, jajikwalongolela ŵandu kuti akakulupuche. Mmalomwakwe jwalakwe jwatite, “Mlango wakanganika soni msewu wamwana ukwawula ku umi, mwamti ŵele ŵakuwupata ali ŵakuŵalanjika.” (Mateyu 7:14) Ŵa Mboni sya Yehofa akusakulupilila kuti awupatile msewu welewu, ni ligongo lwakwe jemanjaji ŵangasosagasoni dini jine.