Ŵakamuchisyeje Ŵane “Mwausimu”

Wosopewe tukusayamichila kulimbikasyana kwakukusapagwa pasikati pa abale ni alongo. Nambo kuti tulimbikasyane tukusasosekwa kutenda yejinji kupunda kwamba kuŵa pampepe. Mwamti Baibulo jikusasala kuti kamusyangana “mwausimu” uli mtuka. (Alo. 1:​11, 12) Nambo ana mpaka twakamuchisye chamti uli Aklistu achimjetu?

Twakamuchisyeje ŵane mwakuŵecheta maloŵe gambone. Mwachisyasyo, mpaka tupeleche ndemanga pamisongano ja mpingo jampaka jilosye kuti akumchimbichisya Yehofa, Maloŵe gakwe, soni ŵandu ŵakwe. Nambosoni pakuŵechetana ni Aklistu achimjetu, mpaka tukambilaneje yindu yakulimbikasya.

Ŵalimbikasyeje ŵane kupitila mu yitendo yawo soni yakusaŵecheta. Mwachisyasyo, ŵandu ŵane asagwile kutenda utumiki wandaŵi syosope atamose kuti akusasimana ni yakusawusya. Pele ŵane akusalinganya yakusimanikwa pa misongano ja mkati mwa wiki atamose kuti akusatanganidwa ni masengo kapena akulaga ni ulwele wekulungwa.

Ana akusiŵalimbikasya abale ni alongo achimjawo kupitila mu yitendo yawo soni yakusaŵecheta? Ana wawojo akusayiwonaga yakusatendaga Aklistu achimjawo pakusaka kwakamuchisya wawojo mwausimu?