Alijiganyeje Yejinji Kupitila mu Yiwulili

M’mabuku getu mukusaŵa yiwulili yejinji yayikusatujiganya mfundo syakusosekwa mnope. Ana mpaka atende uli kuti yiwuliliyi yakamuchisyeje?

• Mkanatande kuŵalanga ngani aloleje kaje yiwulili. Yiwuliliyi mpaka yatendekasye kusachilila kujiŵalanga ngani josopejo. Patuyiweni yakulya yakunong’a yili mumbale tukusasachilila kuti tulye. Mwakulandana ni yeleyi, mpaka aŵe ŵakusangalala mnope kuŵalanga ngani naga atandite kulola yiwulili yayili munganijo. Myoyo, mkanatande kuŵalanga ngani mpaka aliwusye kuti, ‘Ana yiwuliliyi ŵayiŵisile ligongo chichi?’—Amo. 7:​7, 8.

• Pakuŵalanga ngani aganichisyeje ligongo lyakwe ŵasagwile kuŵika yiwulili yayili munganijo. Aŵalanje maloŵe ga pa yiwulili kapena maloŵe gakulondesya yiwulili naga gapali. Aganichisyejesoni kukamulana kwakupali pasikati pa chiwulili ni nganijo soni yampaka atende kuti akamulichisye masengo yalijiganyisyeyo paumi wawo.

• Panyuma pakuŵalanga, akamulichisyeje masengo yiwulili pakuwilisya mfundo syekulungwa sya munganijo. Alinjeje kuyisunga munganisyo mwawo yiwuliliyo soni mfundo syekulungwa syalijiganyisye pa chiwulili chilichose.

• Mpaka atende chenene kulolasoni yiwulili ya m’magasiniji soni kulola mfundo syaŵalijiganyisye kutyochela pa yiwuliliyo?