Kulosya Kulimba Mtima Pandaŵi Jakusawusya

Aŵalanje Yelemiya 38:​1-13 kuti amanyilile mtima kuŵalosisye jwakulochesya Yelemiya soni Ebedimeleki.

Ajipikanichisye ngani josopejo. Ana Yelemiya jwalosisye chamti uli kulimba mtima pajwasalilaga ŵandu yaŵamtumile Yehofa? (Yel. 27:​12-14; 28:​15-17; 37:​6-10) Ana ŵanduwo ŵatesile chichi paŵapikene yaŵasalile Yelemiyajo?—Yel. 37:​15, 16.

Alijiganye mwakusokoka. Ana Yelemiya jwasimene ni yakusawusya yamti uli? (jr-CN 26-27 ¶20-22) Awungunye yaŵatiga pakukamulichisya masengo yisima pandaŵijo soni muyawonechelaga. (it-E 1 471) Ana akuganisya kuti Yelemiya jwapikanaga wuli pajwatiŵilaga m’matope mu chisima mula? Ana komboleka kuti Ebedimeleki jwajogopaga chichi?—w12-CN 5/1 31 ¶2-3.

Apate yalijiganyisye. Aliwusye kuti:

• ‘Ana nganiji jikunjiganya chichi pakwamba yakusatenda Yehofa pakwachenjela ŵakutumichila ŵakwe ŵakulupichika?’ (Sal. 97:10; Yel. 39:​15-18)

• ‘Ana ni yakutendekwa yapi yampaka sosekwe kulosya kulimba mtima?’

• ‘Ana mpaka nalijiganye chamti uli kuŵa jwakulimba mtima kuti ngomboleje kutenda yakuŵajilwa pasimene ni yakusawusya?’ (w11-CN 3/1 30)a