Mlongo ni m’bale jwachinyamata akusangalala pakutenda yindu yakwakamuchisya kuŵa Aklistu ŵakudalilichika. Mlongo akuganichisya kwineku ali ajigele Baibulo jakwe; m’bale akulalichila. Chiwulili: Abale ni alongo ŵachinyamata ŵakumanyilila yejinji akutenda yindu yakwayana ni kumtumichila Yehofa. 1. Mlongo akuŵika mbale pa tebulo jakulila ku Beteli. 2. Alongo ŵaŵili akumŵalanjila lilemba jwamkongwe jwine pakulalichila. 3. Mlongo ali pa ulaliki wa pa shelefu ni mlongo jwachikulile. 4. M’bale akumkamuchisya m’bale jwachikulile kukamulichisya masengo tabuleti jakwe. 5. M’bale jwali ku pulatifomu akuŵalanga Baibulo pandaŵi ja misongano ja mpingo. 6. M’bale akukamuchisya nawo pa masengo ga yakutaŵa.

Study Edition

DISEMBA 2023

NGANI SYAKULIJIGANYA MU: FEBULUWALE 5–MALICHI 3, 2024

Magasiniji ngaŵa jakusumisya. Gaŵila kwa magasiniji kuli mbali ja masengo gakwiganya Baibulo ga pachilambo chosope gagakusajenda chenene ligongo lya yakupeleka yakusaka kwa mundu. Naga akusaka kupeleka ajawule palembile kuti donate.jw.org.

Naga nganitulosya Baibulo jine m’magasiniji, Malemba gambali ja Chigiliki soni gane ga Chihebeli, gatyochele mu Baibulo ja Chilambo Chasambano. Pele Malemba gane gambali ja Chihebeli gatyochele mu Baibulo ja Chiyawo jakuwandisidwa mpela Buku Jeswela. Copyright C 2014 by the Bible Society of Malawi. Atukundile kuti tujikamulichisye masengo. Nambope m’Baibuloji, pa chilembo cha ‘C’ tukonjechesyapo ‘H’.

CHIWULILI CHA PACHIKUTO:

Abale ni alongo ŵachinyamata ŵajinji ŵaŵajiganyidwe Baibulo soni kukamulichisya masengo yaŵalijiganyisyeyo aŵele Aklistu ŵakudalilichika (Alole ngani jakulijiganya 52, ndime 21, soni ngani jakulijiganya 53, ndime 19-20)