Ndamo ja Kwaŵenga Ŵane Jili Palipose
Ŵandu ŵajinji pachilambopa akusiŵaŵenga achimjawo.
Masiku agano ngani syejinji sikusala ya kwaŵenga ŵane. Mwachisyasyo, ŵandu akusatenda yeleyi kupitila pa intaneti, kulemba yikalata, kapena kutenda yindu yine yakulosya kuti akusawuŵenga mtundu wine wa ŵandu. Ŵandu ŵajinjisoni masiku agano ali ŵalusagu, akusiŵanyosya ŵane, kwalagasya, kwajogoya kapena kutenda yindu yachiwawa. Yosope yayikutendekwayi yikulosya kuti ndamo ja kwaŵenga ŵane jili palipose.
Magasini ajino jikusala yampaka tutende pakumalana ni ndamo ja kwaŵenga ŵane. Yajikusala magasiniji nganiyiŵa yakupeka. Yeleyi yili yisyesyene soni yiŵele yili mkwakamuchisya ŵandu ŵajinji pachilambo chosope.