Yiwusyo Yakutyochela Kwa Ŵakuŵalanga

Ana lilemba lya Jwakulalichila 5:8 likusasalaga ya ulamusi ŵa ŵandu kapena likusasalasoni ya Yehofa?

Lilembali likusaŵecheta kuti, “Mkasimsimonga pimkuwona kuti boma jikwaliŵatila ŵandu ŵakulaga ni kwakanya chilungamo. Nduna jilijose jikusaloleledwa ni nduna jijakwe jajikwete ukumu welewo, nambo wosopewo akusaloleledwa soni ni jwamkulungwa jwine kwapunda jemanjajo.”—Jwak. 5:8.

Pagamba kujigalila kaganisye ka ŵandu, lilembali likusawoneka mpela likusagamba kuŵecheta ya ŵandu ŵakwete udindo m’boma. Nambope kuliganichisya mnope likusasalasoni ya Yehofa, soni yalikusasalayi yili yakulimbikasya mnope.

Pa Jwakulalichila 5:8 pakuŵecheta ya ŵakulamulila ŵakusiŵatendela yangali chilungamo ŵandu ŵakulaga. Ŵakulamulilaŵa akusosekwa kukumbuchila kuti pana mundu jwine jwakwawona jwakwete udindo mnope kwapunda ŵelewo. Chakutesya chanasa chili chakuti, ŵakulamulila ŵeleŵa pane akusatenda yindu yachinyengo. Yeleyi yikusatendekasya kuti ŵandu ŵajinji alajeje ni yindu yangali chilungamo.

Atamose yili mkuwoneka kuti pangali kwampaka tukadandawule, yikusaŵa yakulimbikasya kumanyilila kuti Yehofa akusayiwona yosope yagakusatendaga maboma ga ŵandu. Mpaka tumsalile Yehofa ngani jajikutusawusyajo soni kumŵenda kuti atukamuchisye. (Sal. 55:22; Afil. 4:6, 7) Tukumanyilila kuti “Ambuje akusachilolela chilambo chosope, soni akusapeleka machili kwa ŵandu wosope ŵakusampikanila jwalakwe.”—2 Mbi. 16:9.

Myoyo, palilemba lya Jwakulalichila 5:8 pakusalosya yisyesyene pakwamba yakusatenda ŵandu ŵakwete udindo m’boma. Pakusalosyasoni kuti pana mundu jwine jwakwete udindo wekulungwa kwapunda jemanjaji. Chakusosekwa mnope palilembali kuli kutukamuchisya kumanyilila kuti Yehofa ni jwakwete udindo wekulungwa mnope kwapunda wosope. Soni apano amŵisile Yesu Klistu kuti aŵe Mwenye jwa Uchimwene wakwe. Yehofa jwamachili gosope, soni jwakusalola yindu yosope yayikusatendekwa pachilambochi ali jwachilungamo soni jwakwaganichisya ŵane. Mwelemutu ni mwaŵelelesoni mwanache jwakwe Yesu