UMI WETU WACHIKLISTU
Achinangolo—Ŵajiganyeje Ŵanache Ŵawo Kuti Amsangalasyeje Mlungu
Yehofa akusiŵawona ŵanache kuti ali ŵakusosekwa mnope. Jwalakwe akusamanyilila mwakwawulila pasogolo mwausimu ŵanacheŵa soni yakusatenda pakupilila. (1Sa 2:26; Luk 2:52) Atamose kuti jemanjaji ali ŵachinandipile mnope, nambope ndamo syawo syambone mpaka sitendekasye mtima wa Yehofa kusangalala. (Mis 27:11) Kupitila mu gulu jakwe, Yehofa atupele yindu yejinji yampaka yakamuchisye achinangolo pakwajiganya ŵanache ŵawo kuti amnonyeleje soni kumpikanila Yehofa.
ALOLELE FIDIYO JAKUTI ŴANACHEMWE—PAMKWENDELECHELA KUPILILA, YEHOFA AKUSASANGALALA, KANEKO AJANJE YIWUSYO AYI:
Ana ni yindu yapi yaŵele ali mkutenda Yehofa pakusaka kwakamuchisya ŵanache?
Ana tukwete yindu yapi yampaka yakamuchisye achinangolo pakwajiganya ŵanache?
Ŵanachemwe, ana yindu yatupele Yehofa yimkamuchisye chamtuli?