UMI WETU WACHIKLISTU
Akulupilileje Maloŵe ga Mlungu Kuti Alimbisye Chikulupi Chawo
Maloŵe ga Mlungu mpaka gachenje umi wetu. (Ahe 4:12) Nambo kuti yatukusaŵalanga yitukamuchisyeje paumi wetu, tukusosekwa kulupilila kuti yatukuŵalangayo yili “maloŵe ga Mlungu.” (1At 2:13) Ana mpaka tutende chichi kuti tujikulupilileje mnope Baibulo?
Apateje ndaŵi jakuŵalanga Baibulo lisiku lililyose. Pakuŵalanga, apateje maumboni gakulosya kuti Yehofa ni juŵalembile Baibulo. Mwachisyasyo, mpaka alijiganye yindu yakamuchisya yayili m’buku ja Misyungu. Mwangakayichila, mpaka ajitichisye kuti yayili m’bukuji yili yakamuchisya mnope masiku agano.—Mis 13:20; 14:30.
Akole chakulinga chakulijiganya Baibulo. Agamanyilile chenene maumboni gakulosya kuti Baibulo jalembedwe mwakulongoleledwa ni Mlungu. Kuti atende yeleyi, ajawule mu Kabuku Kakamuchisya Kuwungunyila Ngani ka Mboni sya Yehofa pa kamtwe kakuti “Baibulo” kaneko ajawule palembile kuti “Kusalilidwa ni Mlungu.” Nambosoni kuti akulupilileje mnope kuti utenga wawuli m’Baibulo nganiwuchenga, mpaka aŵalanje yayili mu Kabuku Kakamuchisya Pakulijiganya Maloŵe ga Mlungu.
ALOLE FIDIYO JAKUTI LIGONGO CHICHI TUKUSOSEKWA KULUPILILA . . . MALOŴE GA MLUNGU? KANEKO AJANJE YIWUSYO AYI:
Ana kusimanikwa kwa lipupa lya panyumba jakulambilila ku Karnak ku Iguputo, kulosisye chamtuli kuti Baibulo jikusasala yisyesyene?
Ana tukumanyilila chamtuli kuti utenga wa m’Baibulo nganiwuchenga?
Ana kusimanikwa kwa Baibulo mpaka lelo jino, kukwakamuchisya chamtuli wawojo kusimichisya kuti jili Maloŵe ga Mlungu?—Aŵalanje Yesaya 40:8.