Chiwulili cha pachikuto: Elisha akumsalila jwamasengo jakwe kuti, “Asilikali ŵali kumbali jetu ali ŵajinji kwapunda mwaŵelele jemanjajo.”—2Ay 6:16

CHIPANJE CHAKUSIMANIKWA M’MALOŴE GA MLUNGU

Asilikali Ŵali Kumbali Jetu Ali Ŵajinji Kwapunda Mwaŵelele Jemanjajo

Adani ŵamsyungulile Elisha ni jwamasengo jwakwe (2Ay 6:13, 14; it-1 716 ¶4)

Elisha nganatenda woga soni ŵamlimbikasisye jwamasengo jwakwe (2Ay 6:15-17; w13 8/15 30 ¶2; alole chiwulili cha pachikuto)

Yehofa ŵamkulupwisye Elisha ni jwamasengo jwakwe mwakusimonjesya (2Ay 6:18, 19; it-1 343 ¶1)

Yesu ni asilikali ŵakwe ali kwinani, akwalola asilikali soni ŵapolisi ali mkwendajenda mumsewu. M’bale akwakamuchisya wa Mboni ŵaŵili kuti ajinjile m’nyumba.

Yehofa ali jwamachili kwapunda ŵandu ŵakusatusisya. Ana akuganisya kuti tukayiweni yindu yamtuli, yikaŵe kuti tulolite kwinani ni kukombola kulola yakusati Yehofa pakamulichisya masengo malayika kuti gakamuchisye ŵandu ŵakwe?