Yakusawusya Yosope Lisiku Line Yichimala

Naga yakusawusya yatukusimana nayo ngayikumala mpaka tutenguche. Mwenye Sauli jwamlagasyaga Daudi. Atamose yaliji myoyo Daudi jwamanyililaga kuti lisiku line yakusawusyayi yichimala soni kuti chachiŵa mwenye mwakamulana ni yaŵamsimichisye Yehofa. (1Sa 16:13) Chikulupi cha Daudi chamkamuchisye kuti amjembecheyeje Yehofa mwakuwusimana mtima.

Mpaka tukamulichisye masengo lunda lwetu soni yindu yine yatukumanyilila kuti tumalane ni yakusawusya yetu. (1Sa 21:12-14; Mis 1:4) Nambope mpaka yisimanikwe kuti tutesile yosope yampaka tukombole pakamulichisya masengo mfundo sya m’Baibulo ni kusimanikwa kuti yakusawusyayo ngayikumala. Pandaŵi jeleji tukusosekwa kumjembecheya Yehofa mwakuwusimana mtima. Pachangakaŵapa jwalakwe chamasye yakusawusya yosope soni ‘tachipukuta misosi josope m’meso’ mwetu. (Chw 21:4) Chinga yakusawusya yetu yinandipe ligongo lyakuti Yehofa atukamuchisye kapena ligongo lyakuti tutesile yine yakwe nambo tumanyilileje kuti lisiku line yichimala. Yeleyitu yili yakulimbikasya.

ALOLELE FIDIYO JAKUTI ŴANDU ŴAKAMULANA ATAMOSE KUTI ALI ŴAKULEKANGANA MITUNDU, KANEKO AJANJE YIWUSYO AYI:

• Ana ni yakusawusya yapi yaŵasimene nayo abale ni alongo ŵa ku kummwela kwa United States?

• Ana jemanjaji ŵalosisye chamtuli kuwusimana mtima soni chinonyelo?

• Ana jemanjaji ŵatesile uli kuti apitilisye kuŵika pasogolo yindu yakusosekwa mnope?—Afi 1:10