UMI WETU WACHIKLISTU
Ana Achimjawo ŵa pa Intaneti Ali Ŵamtuli?
Maloŵe gakuti mjakwe gakusasala ya “mundu jwakusakunonyela soni kukuchimbichisya.” Mwachisyasyo, panyuma pakuti Daudi amwuleje Goliyati, Yonatani jwaŵele mjakwe jwapamtima jwa Daudi. (1Sa 18:1) Wosopeŵa ŵakwete ndamo syasyakamuchisyaga kuti akamulaneje. Yeleyi yikulosya kuti naga ŵandu akusaka kuŵa pa ujakwe wakulimba akusosekwa kumanyigana chenene. Nambotu kummanyilila mundu kukusajigala ndaŵi soni mkusasosekwa kulimbichila. Yeleyi yili yakulekangana ni yayikusatendekwa pa intaneti. Mkusagamba kutowanya kuti mtande kunguluka ni mundu. Ŵandu pa intaneti akusagamba kulilosya kuti ali ŵambone kwabasi mwamti yikusaŵa yakusawusya kwamanyilila chenene. Myoyo mkusasosekwa kusamala pamkusagula ŵandu ŵakuti mkungulucheje nawo. Naga ŵandu ŵakumŵenda kuti aŵe achimjenu ngamkwamanyilila, mwakaneje soni mkajogopaga kuti chadandawule. Ŵandu ŵane ŵasagwile kuti akakamulichisyaga masengo malo gakunguluchila ga pa intaneti ligongo akusajogopa kusimana ni yakusawusya. Nambo ana akusosekwa kumanyilila chichi naga asagwile kukamulichisya masengo malo gakunguluchila ga pa intaneti?
ALOLELE FIDIYO JAKUTI AKAMULICHISYEJE MASENGO MWALUNDA MALO GAKUNGULUCHILA GA PA INTANETI, KANEKO AJANJE YIWUSYO AYI:
Ana akusosekwa kuganichisya chichi mkanalembe chilichose soni kuŵika yiwulili pa malo gakunguluchila pa intaneti?
Ligongo chichi akusosekwa kusagula mwalunda achimjawo wa pa intaneti?
Ligongo chichi akusosekwa kuliŵichila malile pa ndaŵi jakusamalila pa intaneti?—Aef 5:15, 16