Yakupanganyikwa Yikusatukamuchisya Kumanyilila Kuti Yehofa ali Jwalunda

Ana ndaŵi syosope Yehofa akusamanyilila yindu yampaka yitukamuchisye? Kwabasi. Mpaka tulosye kuti tukwete lunda naga tukusakamulichisya masengo yakusatusalila Yehofa. (Mis 16:3, 9) Nambope, naga yatukusaganisya yili yakulekangana ni yakusatusalila Yehofa mpaka yitulemeje kukuya malangiso gakwe. Myoyo mpaka tudalile mnope lunda lwa Yehofa naga tukusaganichisya yindu yaŵapanganyisye.—Mis 30:24-25; Alo 1:20.

ALOLELE FIDIYO JAKUTI ANA APALI JUŴAYIPANGANYISYE? ANA MBAMBA SIKUSAKOMBOLA CHAMTULI KWENDA MWANGASOKONASYANA? KANEKO AKAMBILANE YIWUSYO AYI:

• Ana mbamba sikusatenda yindu yapi lisiku lililyose?

• Ana mbamba sikusakombola chamtuli kwenda mwangasokonasyana?

• Ana yasikusatenda mbamba pakwenda yikutujiganya chichi?

ALOLELE FIDIYO JAKUTI ANA APALI JUŴAYIPANGANYISYE? KAGULUCHE KA KACHILOMBO KANE KAKALI MU GULU JA NYUCHI, KANEKO AKAMBILANE YIWUSYO AYI:

• Ana ni yakusawusya yapi yakusasimana nayo ŵandu pakwendesya ndege sya mwana?

• Ana kachilomboka kakusakombola chamtuli kuguluka atamose kuli kwana mbungo jamachili?

• Ana mpaka tulijiganye chichi kutyochela ku lunda lwalukwete kachilomboka?

Ana kwakusatama, ni yindu yapi yaŵapanganyisye Yehofa yayikulosya kuti jwalakwe ali jwalunda?