Alongo Mpaka Atende Yejinji Pakumtumichila Yehofa

Alongo akusatenda yejinji pamasengo ga Uchimwene. (Sal 68:11) Jemanjaji akusatendesya majiganyo gejinji ga Baibulo. Sonitu apayiniya ŵakutamilichika ŵajinji ali alongo. Nambosoni alongo ŵajinji akusatumichila pa Beteli, ŵane ali amishonale, ŵane akusakamula masengo ga yakutaŵa soni ŵane akusakamuchisya kugopolela mabuku. Sonitu achakongwe ŵalunda akusataŵa maŵasa gawo soni mpingo. (Mis 14:1) Atamose kuti achakongwe nganaŵa atumichile mpela achakulungwa ŵa mumpingo kapena atumiki ŵakamuchisya nambope mpaka atende yejinji mumpingo. Naga wawojo ali mlongo ana mpaka atende chichi kuti atendeje yejinji pakumtumichila Yehofa?

• Atendeje yakuti akole ndamo syambone.—1Ti 3:11; 1Pe 3:3-6

• Ŵakamuchisyeje alongo ŵangamanyilila yejinji ŵali mumpingo mwawo.—Tit 2:3-5

• Alipelecheje pa masengo gakulalichila

• Alijiganye chiŵecheto chine

• Ajawule kwa kukusosechela ŵakulalichila ŵajinji

• Awuchisye utumiki wa pa Beteli kapena akamuchisyeje nawo pa masengo ga kutaŵa

• Atende yakuti akajinjile mu Sukulu ja Ŵakulalichila ya Uchimwene

ALOLELE FIDIYO JAKUTI ACHAKONGWE ‘ŴAKUKAMULA MWAMACHILI MASENGO GA AMBUJE,’ KANEKO AJANJE CHIWUSYO ACHI:

• Ana yaŵechete alongoŵa yalimbikasisye uli?