Akundeje Kuti Ŵane Wakamuchisyeje

Yehofa akusatukamuchisya kupitila mwa “ŵakulupilila achimjetu.” (1 Pet 5:9) Abale ni alongo mpaka atukamuchisye kumalana ni yakusawusya yatukusasimana nayo mu utumiki. Mwachisyasyo, Akwila ni Pulisila, Sila, Timoteyo soni ŵandu ŵane ŵamkamuchisye mnope ndumetume Paulo.—Mase. 18:1-5.

Ana Abale ni alongo mpaka atukamuchisye chamtuli mu utumiki? Jemanjaji mpaka atukamuchisye kulola yampaka tutende kuti tukomboleje kwalalichila ŵandu atamose ali mkulosya kuti ngakusaka. Mpaka atukamuchisyesoni kuti tutendeje maulendo gakuwilisya soni kuti tukomboleje kutandisya majiganyo ga Baibulo. Alinje kuganichisya ya mundu jwine mu mpingo mwawo jwampaka ŵakamuchisye wawojo. Mwangakayichila naga akukunda kuti ŵane ŵakamuchisyeje, chachiŵa ŵakusangalala mnope ni utumiki.—Afil. 1:25

ALOLELE FIDIYO JAKUTI, TUSANGALALEJE NI MASENGO GAKWIGANYA ŴANDU BAIBULO-TUJONGOLELE KAJIGANYE KETU—TUKAMULICHISYEJE MASENGO CHIKAMUCHISYO CHATUPELE YEHOFA—ABALE ŴETU, KANEKO AJANJE YIWUSYO AYI:

• 

  Ana Nita ŵamkamuchisye chamtuli Jedi kuti atande kusimanikwa ku misongano?

• 

  Ligongo chichi tukusosekwa kwawula ni ŵakulalichila ŵane ku lijiganyo lyetu lya Baibulo?

• 

  Ana Jedi ni mlongo jwachikulile jula ŵalandanaga yindu yapi?

• Ana mpaka alijiganye yindu yapi pakwenda ni Aklistu achimjawo mu utumiki?