Achakongwe Ŵachekulupe Mtameje Nawo Mpela Mama Ŵenu, Asikana Mpela Achalumbu Ŵenu

Malemba gakusatusalila kuti twawoneje Aklistu ŵachikulile mpela mama soni baba ŵetu, pele ŵachinyamata twawoneje mpela chemwali soni achimwene ŵetu. (Aŵalanje 1 Timoteo 5:1, 2.) Abale akusosekwa kuti ŵachimbichisyeje mnope alongo soni atendeje yindu mwakwaganichisya.

M’bale ngakusosekwa kumkopa kapena kutenda chilichose champaka chimtendekasye mlongo kuŵa jwakutaŵika. (Yob. 31:1) M’bale jwangalombela akusosekwa kuŵambala kutenda yindu yampaka yimtendekasye mlongo kuliwona kuti akumsaka, chitamilecho yili mkuti ngakumsaka.

Naga mlongo awusisye chiwusyo kapena akusaka chikamuchisyo, achakulungwa ŵa mumpingo akusosekwa kumkamuchisya mwachitema. Achakulungwaŵa akusosekwasoni kwachenjela alongo ŵangalombela.—Lut. 2:8, 9.

ALOLELE FIDIYO JAKUTI TUPITILISYE KULOSYA CHINONYELO CHANGAMALA MU MPINGO—ACHAKONGWE SONI ŴANACHE ŴAMASIJE, KANEKO AJANJE YIWUSYO AYI:

• 

  Ana abale ni alongo ŵalosisye chamtuli kuti akusamnonyela Mlongo Myint?

• 

  Ana chinonyelo chaŵalosisye abale ni alongo chakwayiye chamtuli ŵandu ŵa m’musi?

• 

  Ana yaŵatesile abale ni alongo yakamuchisye uli ŵanache ŵachakongwe ŵa Mlongo Myint?

Ana ni yindu yapi yampaka atende pakulosya kuti akusiŵanonyela alongo ŵa mumpingo mwawo?