Twatendeleje Ŵane Chanasa

Maloŵe gakuti chanasa gakusagopolela kumanyilila mwakuganichisya mundu, mwakupikanila, soni kumanyilila yindu yakusosechela. Yeleyi yikusatutendekasya kusachilila kumkamuchisya. Ŵandu akusamanyilila naga tukwatendela chanasa. Naga tukusalosya ŵane chanasa patuli mu utumiki, tukusamsyasya Yehofa jwali jwachinonyelo soni jwakusatuganichisya. Kwatendela ŵane chanasa kukusakamuchisya kuti amŵandichile Mlungu.—Afil. 2:4.

Kwalosya ŵane chanasa nganiligamba kuŵa litala lyatukusakamulichisya masengo pakulalichila. Mpaka tulosye kuti tukwete chanasa naga tukwapikanila ŵandu pakuŵecheta. Patukuŵecheta, ngope soni makono getu yilosyeje kuti tukwatendela chanasa yisyesyene. Tumanyilileje yakusakulupilila, yakusanonyela soni yakusasimana nayo paumi. Mpaka twasalile ŵandu mfundo syakamuchisya nambo tukakanganichisyaga kukuya yatwasalileyo. Tukusaŵa ŵakusangalala ni utumiki wetu naga ŵandu ŵane akukamulichisya masengo yatukwajiganya.

ALOLELE FIDIYO JAKUTI, TUSANGALALEJE NI MASENGO GAKWAJIGANYA ŴANDU BAIBULO—TUJONGOLELE KAJIGANYE KETU—TWATENDELEJE ŴANE CHANASA, KANEKO AJANJE YIWUSYO AYI:

• 

  Ana Jedi paŵachelewe, Nita ŵalosisye wuli kuti akumpikanichisya?

• 

  Jedi paŵaŵechete kuti ngakusaka kulijiganya, ana Nita ŵalosisye wuli kuti akumpikanichisya?

• 

  Jedi paŵaŵechete kuti yimtupile, ana Nita ŵalosisye wuli kuti akumganichisya?