CHIPANJE CHAKUSIMANIKWA M’MALOŴE GA MLUNGU | EKISODO 39-40

Mose Jwakuyisye Malangiso Gosope Mwakusamala

Pandaŵi jiŵataŵaga nyumba jakulambilila, Mose jwakuyisye malangiso gosope ga Yehofa mwakusamala. M’wejisoni tukusosekwa kupikanila malangiso galigose gatukusapochela kutyochela ku gulu ja Yehofa. Tukusosekwa kutenda yeleyi ni mtima wosope. Tupikanilejepe malangisogo atamose gawoneche mpela gangasosekwa, soni ngatukupikanichisya ligongo lyakwe malangisogo gapelechedwe.—Luk. 16:10.

Ligongo chichi tukusosekwa kupikanila soni kuya mwakusamala malangiso pandaŵi . . .

jatukukosechela utumiki wa mumgunda?
jatukukosechela kulemba kadi ja DPA?
jatukukosechela ngosi syachilengedwe?

Chiwulili: Abale ni alongo akukuya malangiso gapochele. 1. Abale ni alongo akukosechela kuti ajinjile mu utumiki. 2. Mlongo akulemba kadi ja DPA. 3. Liŵasa likuŵika yindu m’chikwama yakwakamuchisya pangosi.