CHIPANJE CHAKUSIMANIKWA M’MALOŴE GA MLUNGU | EKISODO 35-36

Kuŵa Ŵakoseka Kukamula Masengo ga Yehofa

Msimu weswela wa Yehofa wamkamuchisye Besalele ni Oholiyabu kuti akwanisye kutenda pulani ja nyumba jakulambilila. (Alole chiwulili cha pachikuto.) Masiku agano, machili ga msimu weswela wa Yehofa gakusigakamuchisyasoni ŵakutumichila ŵakwe. Ana mpaka tutende yamtuli kuti msimuwu utukamuchisye?

Tukusosekwa kupopela kuti msimu weswela utukamuchisye kusya lunda lwatukwete pa masengo ga Yehofa
Ndaŵi syosope tukusosekwa kulijiganya Maloŵe ga Mlungu
Tukusosekwa kuŵichilaga mtima pa utumiki uliwose watupele

Yiwulili: Ŵamboni sya Yehofa akutenda mautumiki gakulekanganalekangana. 1. Mlongo akukamuchisya masengo ga yakutaŵataŵa. 2. M’bale akukosechela Lijiganyo lya Sanja ja Mlonda. 3. M’bale akulalichila kwa msyene shopu nambo mjakwe jwajesile najo mu utumiki akwalola ŵandu ŵakusisya. 4. Liŵasa lijinjile nawo Sukulu ja Ŵakulalichila ya Uchimwene.

Ana Yehofa mpaka atupe ma utumiki gapi?