Ayamichileje Unasi Wakwete ni Yehofa

Mboni sya Yehofa sikwete upile wapajika. Mpela Aklistu ŵabatisidwe, tukusosekwa kupitilisyape kulimbisya unasi wetu ni Yehofa jwali Mlungu Jwamachiligosope. Kupitila mwa Mwanache jwakwe, Yehofa atukundile kuŵa najo pa unasi. (Yoh. 6:44) Patukupopela akusatupikanila.—Sal. 34:15.

Ana tukusosekwa kutenda chichi kuti tupitilisyepe kuwuchenjela unasiwu? Tukusosekwa kuŵambala kutenda yindu yakusakala yiŵatesile Aisalaeli. Jemanjaji ali agambile kutenda kwene chilanga chakuŵa paunasi ni Yehofa, ŵapanganyisyesoni mwanache jwa ng’ombe jwa golidi ni kumlambilaga. (Eks. 32:7, 8; 1 Akoli. 10:7, 11, 14) Jwalijose akusosekwa kuliwusya kuti, ‘Ana ngusatenda wuli pangulinjidwa kuti ndende chakusakala? Ana yakutenda yangu yikusalosya kuti ngusayamichila unasi wangwete ni Yehofa?’ Kumnonyela kwetu Yehofa mpaka kutukamuchisye kuti tuŵambaleje kutenda yindu yakusayiŵenga Yehofajo.—Sal. 97:10.

ALOLELE FIDIYO JAKUTI, AWUCHENJELEJE UNASI WAKWETE NI YEHOFA (AKOLO 3:5), KANEKO AJANJE YIWUSYO YAKUYICHISYAYI:

• Ligongo chichi tukusosekwa kuŵambala jelasi?

• Ligongo chichi tukusosekwa kuŵambala umbombo soni kulambila milungu jakupanganyidwa?

• Ana chikululu ni kulambila milungu jakupanganyidwa yikusalandana uli?

• Ligongo chichi wosope ŵakwete udindo mu gulu ja Yehofa akusosekwa kusamalila yakusosekwa ya ŵamkwawo?