Aŵeje Ŵakulimba Mtima Mbesi Pajikuŵandichila

LIGONGO LYAKWE KULI KWAKUSOSEKWA: Pachangakaŵapa chipatendekwe yindu yachilinje kulupichika soni kumdalila kwetu Yehofa. Yisawusyo yekulungwa yichitanda ni konanjidwa kwa dini jaunami. (Mat. 24:21; Ciw. 17:16, 17) Komboleka pandaŵiji tuchilalichilaga utenga wakwelusya mwakulimba mtima. (Ciw. 16:21) Pandaŵiji Gogi jwa Chilambo cha Magogi chachitujimuchila. (Ese. 38:10-12, 14-16) Yehofa pakusaka kwachenjela ŵandu ŵakwe, chachiyikasya “ngondo ja pa lisiku lyekulungwa lya Mlungu Jwamachiligosope.” (Ciw. 16:14, 16) Apano tukusosekwa kukosechela yindu yayikwisa kusogolo. Mpaka tutende yeleyi mwakulimbisya chikulupi chetu pachikulinjidwa.

MWAMPAKA TUTENDELE:

• Patukulinjidwa tukusosekwa kupitilisyape kola ndamo syambone.—Yes. 5:20

• Tupitilisyepe kulambila ni Aklistu achimjetu.—Aheb. 10:24, 25

• Tuŵeje ŵakoseka kupikanila malangiso gakutyochela ku gulu ja Yehofa.—Aheb. 13:17

• Tuganichisyeje yaŵatite Yehofa pakwakulupusya ŵandu ŵakwe munyumamo.—2 Pet. 2:9

• Tupopeleje kwa Yehofa soni kumkulupilila.—Sal. 112:7, 8

ALOLELE FIDIYO JAKUTI, YAKUTENDEKWA YAMSOGOLO YATUCHISOSEKWA KUŴA ŴAKULIMBA MTIMA, KANEKO AJANJE YIWUSYO AYI

• 

  Ana chakulingwa chapi chaŵasimene nacho ŵakulalichila ŵane paŵapwatikenye mipingo?

• 

  Ana kupikanila mpaka kutukamuchisye chamtuli kuŵa ŵakulimba mtima?

• 

  Ligongo chichi tuchisosekwa kuŵa ŵakulimba mtima pandaŵi ja Alimagedo?

• 

  Ana ngani japi ja m’Baibulo jajikutukamuchisya kola chikulupi chakuti Yehofa mpaka atukulupusye?—2 Mbi. 20:1-24