Falawo Juŵaliji Jwakupoka Jwakwanilisye Chakulinga cha Mlungu

8:15, 18, 19; 9:15-17

Mayimwene ga ku Iguputo galiwonaga mpela milungu. Yeleyi yikutukamuchisya kupikanichisya ligongo lyakwe Falawo, nganampikanila Mose ni Aloni. Nambosoni jwalakwe nganiŵapikanila ŵamasenga ŵakwe.

Ana ŵane pakusala nganisyo syawo tukusapikanila? Ana tukusayamichila ŵane patusalile kuti nganitutenda chenene panepakwe? Kapena tukusaliwona kuti ndaŵi syosope tukusatenda chenene? Malemba gakusatusalila kuti, “Kupoka kukusamlongolela mundu ku chonasiko.” (Mis. 16:18) Ni ligongo lyakwe ndaŵi syosope tukusosekwa kuŵambala ndamoji.