UMI WETU WACHIKLISTU
Tuŵeje Mpela Yosefe—Pakuŵambala Ndamo ja Chikululu
Yosefe ali chisyasyo chambone kwa m’weji naga tukulinjidwa kuti tutende chikululu. Ndaŵi syosope ŵamkwawo abwana ŵakwe ŵalingagalingaga kumkopa kuti atende najo chikululu nambo jwalakwe jwakanaga. (Gen. 39:7-10) Jwalakwe jwatite, “Mpaka yikomboleche uli kuti une ndende chindu changalumbana mpela chelechi, ni kumlemwechesya Mlungu?” Maloŵega gakulosya kuti Yosefe jwamanyililaga nganisyo sya Yehofa syakuti mundu jwali pa ulombela akusosekwa kuŵa jwakulupichika kwa mjakwe jwa mu ulombela. Yeleyi yamkamuchisye jwalakwe pa ndaŵi jaŵalinjidwaga. Mmalo mwakuganichisya soni kumpa jwamkongwejo mpata ŵakutenda yindu yakusakala, Yosefe jwagambile kutila.—Gen. 39:12; 1 Akoli. 6:18.
ALOLE FIDIYO JAKUTI, AWAMBALEJE NDAMO JA CHIKULULU, KANEKO AJANJE YIWUSYO AYI
Ana Jin jwasimene ni chakusawusya chamtuli?
Ana Jin ŵaliwusisye chiwusyo chapi chachamkamuchisye pele Mee-Kyong jwamŵendile kuti amkamuchisye masamu?
Ana kuŵenda chikamuchisyo kwa Mee-Kyong kwamkwayiye uli Jin?
Ana Jin jwapatile chamtuli chikamuchisyo?
Ana Jin jwatesile yamtuli kuti aŵambale ndamo ja chikululu?
Ana ni majiganyo gapi gatupatile mu fidiyoji?