‘Kwasa Milungu ja Ŵandu ŵa Mitundu Jine’

Atamose kuti pandaŵiji Yehofa ŵaliji mkanapeleche lilamusi lyakwamba milungu, nambo Yakobo jwamanyililaga kuti Yehofa akusasaka kuti ŵandu alipelecheje kwa jwalakwe. (Eks. 20:3-5) Panyuma pakuti Yehofa amsalile Yakobo kuti awujile ku Beteli, Yakobo ŵasalile ŵandu ŵaŵaliji nawo kuti ajase milungu jawo. Kaneko Yakobo jwajasile milungu, kupwatikapo ndolo syaŵawalaga pakusaka kupata upile soni kulichenjela. (Gen. 35:1-4) Ngatukukayichila kuti Yehofa ŵasangalele ni yaŵatesile ya Yakobo.

Ana mpaka tulipeleche kwa Yehofa chamtuli masiku agano? Tukusosekwa kuŵambala chilichose chakwayana ni milungu kapena yamisimu. Yeleyi yikupwatikapo kwasa yiliyose yakwayana ni yamasenga soni kuwungunya mwakusamala yakusangalasya yatukusatenda. Mwachisyasyo aliwusye kuti, ‘Ana ngusasangalala ni mabuku kapena mafilimu gagakusalosya yindu mpela kukwemba miyasi ja mundu, misukwa soni yine yamisimu? Ana yindu yingusalolela yayikusalosya ya masenga, yakulogana soni kutembelelana ngusagamba kuyiwona kuŵa yakusechesya?’ Tukusosekwa kuŵambala chilichose chakusaŵengana nacho Yehofa.—Sal. 97:10.

ALOLELE FIDIYO JAKUTI, “AMKANEJE SATANA,” KANEKO AJANJE YIWUSYO AYI

• 

  Ana Palesa ŵakwete chakusawusya chamtuli?

• 

  Ligongo chichi luli lunda kuŵenda chikamuchisyo kwa achakulungwa ŵa mumpingo naga m’weji kapena jwakulijiganya Baibulo akulaga ni yamisimu?

• 

  Ana yindu yapi yatukusosekwa kwasa kuti Yehofa atuchenjeleje?

• Ana mwachitema Palesa jwatesile chichi?

• Ana kumangwawoko ni matala gane gapi gampaka gakamuchisye kuŵambala yamisimu?