Ana Akusosekwa Kwaŵilanjila Ŵani ku Chikumbuchilo?

Chaka chilichose tukusakamula masengo mwakulimbichila gakwaŵilanjila ŵandu ŵa mudela jetu kuti chatende nawo Chikumbuchilo. Ŵajinji mwa ŵanduŵa akusaŵa ŵakuti ngatukwamanyilila. Tukusosekwasoni kwaŵilanjila ŵandu ŵatukwamanyilila. Nambope ndaŵi syejinji ŵandu ŵangakutumanyilila chenene papochele tumapepala twakwaŵilanjila ni ŵakusayika ku Chikumbuchilo. (yb08 11 ¶3; 14 ¶1) Ana ni ŵandu ŵane ŵapi ŵakusosekwa kwaŵilanjila?

• Ŵachibale

• Achimjetu ŵakumasengo kapena ŵakusukulu

• Ŵakuŵandikana nawo majumba

• Ŵandu ŵatwatendaga nawo lijiganyo lya Baibulo kala, ŵatukutenda nawo apano soni ŵatukwajawulila ku ma ulendo gakuwilisya

Konjechesya pelepa achakulungwa ŵa mumpingo akusosekwa kwaŵilanjila ŵandu ŵangakusongana mwakutamilichika. Nambi uli ya ŵandu ŵangakusatama m’dela jetu? Mpaka awungunye ndaŵi soni malo ga chikatendechele chikumbuchilocho m’dela jakutama mundujo. Ajawule pa jw.org ni kutowanya palembele kuti YAKWAMBA M’WEJI, kaneko asagule palembile kuti “Chikumbuchilo cha Chiwa cha Yesu.” Pakukosechela ya Chikumbuchilo cha chaka achino aganichisye ya ŵandu ŵampaka ŵaŵilanjile.