“Ŵandu Wosope ŵa Pachilambo Chapasi Ŵaliji Mkuŵecheta Chiŵecheto Chimo”

11:1-4, 6-9

Pa sanja ja Babiloni kapena kuti Babele Yehofa ŵabalalikangenye ŵandu ŵangapikanila mwakusokonasya chiŵecheto chawo. Masiku agano jwalakwe akusonganganya ŵandu kutyochela m’mitundu soni yiŵecheto yosope mwakwapa “chiŵecheto cheswela” kuti “wosope aŵilanjileje pa lina lya Yehofa soni kumtumicila mwakamulana.” (Sef. 3:9 NW; Ciw. 7:9) “Chiŵecheto cheswela” chili usyesyene wakwamba Yehofa soni chakulinga chakwe chachikusimanikwa m’Malemba.

Kulijiganya chiŵecheto kukusapwatikapo yejinji ngaŵape kwinjisya maloŵe gasambano. Yikusapwatikapo kulijiganya kaganisye kasambano. Mwakulandana ni yeleyi, patukulijiganya chiŵecheto cheswela cha usyesyene, kaganisye ketu kakusachengaga. (Alo. 12:2) Yeleyi yikusakamuchisya ŵandu ŵa Mlungu kuti aŵe ŵakamulana.—1 Akoli. 1:10.