Masengo Gambone Ganganigaŵa Galiŵalicice

Yili yakomboleka ŵakutumicila ŵa Yehofa wosope kutenda yindu yambone yele Yehofa nganaŵa ayiliŵalile mpaka kalakala. Mwakulandana ni nangolo jwakusiŵanonyela ŵanace ŵakwe ni ngaliŵalila yindu yambone yatesile ŵanacewo, nombe Yehofa ngakusaliŵalila masengo getu gambone soni cinonyelo catukusalosya pa lina lyakwe. (Mat. 6:20; Aheb. 6:10) Atamose kuti nganituŵa tutesile yakulandana ligongo lya yakusawusya yine, nambo naga tukutenda yiliyose yampaka tukombole pakumtumicila Yehofa tuciŵa ŵakusangalala. (Aga. 6:4; Akolo. 3:23) Kwa yaka yejinji, abale ni alongo ŵajinji aŵele mkutumicila pa Beteli. Ana mpaka akombole kulipeleka kuja kutumicila pa Beteli? Naga nganaŵa akombwele, ana mpaka amlimbikasye mundu jwine kapena kumkamucisya jwakutumicila pa Beteli kuti apitilisye kutenda utumiki wapajikawu?

ALOLELE FIDIYO JAKUTI, ATENDE YAKOMBOLEKA KUTI AKATUMICILE PA BETELI, KANENO AJANJE YIWUSYO YAKUYICISYAYI:

• Ana tukusosekwa kola cakulinga camtuli patukusaka kuja kutumicila ku Beteli?

• Ana ŵane aŵecete yamtuli pakwamba ya umbone wapatile ligongo lyakutumicila pa Beteli?

• Ana mundu akusosekwa kwanilisya yindu yapi kuti akatumicile pa Beteli?

• Ana mpaka awucisye camtuli utumiki wa pa Beteli?