Mlece Ndamo Syenu Syakala Nipo M’wale Umundu Wasambano

3:5-14

Ana ŵacenjile yindu yejinji paumi wawo paŵagambile kulijiganya usyesyene? Mpaka aŵe ŵakusimicisya kuti Yehofa jwasangalele ligongo lyakulimbicila kwawo. (Esek. 33:11) Nambope, akusosekwa kupitilisya kulimbicila kuti aŵambaleje ndamo syawo syakala soni alosyeje umundu wawo wasambano. Ajanje yiwusyo yakuyicisyayi kuti alole naga pana mbali sine syakusosekwa kongolela:

• Ana ngupitilisya kumsunjila cakulukosi mundu juŵalemwecesye?

• Ana ngusalosya kulitimalika atamose ndili pacitema kapena pambesile?

• Pangwete nganisyo syakulemweceka, ana ngusasityosya mwacitema?

• Ana ngwete nganisyo syakulemweceka pakwamba ya ŵandu ŵa m’cilambo cine kapena ŵamtundu wine?

• Ana pacangakaŵapa ŵecete yindu yakumkuŵasya mundu jwine kapena kumpila mtima?