“Ngatukwasa Mtima”

4:16-18

Aganicisye ya maŵasa gaŵili gagakutama m’nyumba jangawoneka cenene soni jepasucepasuce. Cakusimonjesya ni cakuti liŵasa lyandanda likutama mwangasangalala. Nambo liŵasa lyaŵili likutama mwakusangalala. Ligongo cici? Liŵasa lyaŵilili pacangakaŵa cilisamile mu nyumba jasambano soni jakusalala.

Atamose kuti “mpaka sambano jino yiwumbe yosope yiŵele yili mkuwuwula ni ululu,” ŵakutumicila ŵa Mlungu akwete cembeceyo cambone. (Alo. 8:22) Tukumanyilila kuti winji wa yakusawusya yatukusimana nayo, atamose kuti yiŵele yili mkutulagasya kwa yaka yejinji, yili “yakandaŵi soni yakupepuka.” Yeleyi yili m’yoyo pakuyilandanya ni kutama ni umi wangamala m’cilambo casambano. Kuganicisya yambone yatucipata M’cilambo casambano, mpaka kutukamucisye kuti tuŵeje ŵakusangalala soni kuti tukawujila munyuma.