Akuyeje Sajo sya Klistu Mwakusamala

Yesu ŵatupele cisyasyo cakuti tujigalileje mnopemnope patusimene ni yakulingwa kapena patukulagasidwa. (1 Pet. 2:21-23) Atamose kuti Yesu ŵamŵecetele yacipongwe soni kumlagasya, nambo jwalakwe nganawucisya kose. (Maliko 15:29-32) Ana cici cacamkamucisye kuti apilile? Jwalakwe jwaliji jwakusacilila kutenda lisosa lya Yehofa. (Yoh. 6:38) Nambosoni jwaganicisyaga ya “cisangalalo caŵam’ŵicile pasogolo pakwe.”—Ahe. 12:2.

Ana mpaka tutende wuli naga tukulagasidwa ligongo lya cikulupi cetu? Aklistu ŵasyesyene ŵangawucisya “cakusakala pa cakusakala.” (Alo. 12:14, 17) Patukusyasya cisyasyo ca Klistu pangani jakupilila yakusawusya, tuciŵa ŵakusangalala ligongo Mlungu cacituwona kuti tuli ŵakuŵajilwa.—Mat. 5:10-12; 1 Pet. 4:12-14.

ALOLELE FIDIYO JAKUTI, LINA LYA YEHOFA LILI LYAMBONE MNOPE, KANEKO AJANJE YIWUSYO YAKUYICISYAYI:

• Ana mlongo Pötzingera ŵakamulicisye camtuli ndaŵi jakwe paŵaliji mu ndende?

• Ana ni yakusawusya yapi yaŵapilile M’bale ni Mlongo Pötzingerr paŵaliji kundende syakulekanganalekangana?

• Ana cici cacakamucisye kupilila?