Mesomkulola Gakulimbikasya Cikulupi

9:1-7

Agambe ganicisya mwaŵapikanile Yesu mumtima paŵapikene maloŵe gakumjiticisya gakutyocela kwa Atatigwe ŵakwinani pandaŵi jaŵacengaga kawonece kakwe. Mwangakayicila yeleyi yamlimbikasisye Yesu kuti cakombole kupilila yakusawusya yaŵajembeceyaga kusimana nayo. Yeleyi yamkamucisye Petulo, Yakobo, soni Yohane kusimicisya kuti kweli Yesu jwaliji Mesiya, soni ŵaliji ŵakoseka kumpikanila. Pali papite yaka 32, Petulo jwakumbucile yayatendekweyi soni cikulupi cakwe calimbile mu “maloŵe gakulocesya”.​—2 Pet. 1:16-19.

Atamose kuti nganitugawona mesomkulola gakutesya wogaga, tukusatendela umboni ya kwanilicikwa kwakwe. Yesu akulamulila mpela Mwenye jwamacili. Pacangaŵapa, jwalakwe “cacimalisya gomeka kwakwe” ni kuwugula litala lyakwawulila ku cilambo casambano cacilungamo.​—Ciu. 6:2.

Ana cikulupi cawo cikusalimba camtuli pakukuwona kwanilicikwa kwa yakulocesya ya m’Baibulo?