Atamose kuti Pasaka nganatendelaga ciwulili Cikumbucilo, yindu yine yaŵayikamulicisyaga masengo pa Pasaka yikwete ngopolelo kwetuwe. Mwambone, ndumetume Paulo jwamkolasile Yesu kuŵa “Mbopesi jetu ja pasaka.” (1 Akoli. 5:7) Mpela mwayaŵelele kuti miyasi ja ngondolo jaŵapakesye pa mafelemu ga matanga jakulupwisye ŵandu, miyasi ja Yesu jikusakulupusyasoni. (Eks. 12:12, 13) Soni liwupa lya ngondolo jaŵakamulicisyaga masengo pa Pasaka nganalitemangulaga. M’yoyosoni, Yesu nganamtemangula liwupa lililyose, atamose kuti msyungu wakwe waliji wakuti naga mundu awilile pa citela, amtemangule mawupa—Eks. 12:46; Yoh. 19:31-33, 36.