Yampaka Tutende Kuti Tuŵe Ŵakulijiganya Malemba Ŵamtawu

Ana akusaka kuŵa jwakulupicika pandaŵi jakulinjidwa mpela muŵatendele Daniyele? Daniyele jwalijiganyaga Maloŵe ga Mlungu mwamtawu, kupwatikapo yakulocesya yakusawusya kuyipikanicisya. (Dan. 9:2) Kulijiganya Baibulo mwamtawu mpaka kwakamucisye kuŵape ŵakulupicika. Mwamtuli? Mpaka yijonjecesye cikulupi cawo pakwamba ya yindu yaŵalagucisye Mlungu kuti yiciŵa yisyesyene. (Yos. 23:14) Mpaka yakamucisyesoni kusya cinonyelo cawo pa Mlungu, campaka calimbikasye kutenda yambone. (Sal. 97:10) Nambo ana mpaka tutandile papi? Kwende tulole songa syakuyicisyasi.

• Ana Ngusosekwa Kulijiganya Cici? Kulijiganya Baibulo ndaŵi syosope kukusapwatikapo kosecela misongano ja mpingo. Kuŵalanga Baibulo kwa cijuma cilicose, mpaka kuŵe kwakamucisya naga tukusawungunya songa sine syangatukusipikanicisya. Ŵane akusasagula kulijiganya mwakusokoka yakulocesya ya m’Baibulo, mbali syakulekanganalekangana sya cisogosi ca msimu wa Mlungu, maulendo gaŵajesile ndumetume Paulo mpela mmishonale, kapena yakupanganyikwa ya Mlungu yakuwoneka ni meso. Naga mkati mwa lisikulyo aganisisye ciwusyo cinecakwe ca m’Baibulo, akusosekwa kucilemba ni kuciŵika pa ndandanda kuti cawungunye lisiku line.

• Ana mpaka mbate kwapi mabuku gakulijiganya? Kuti apate songa sine alolele fidiyo jakuti Yida Yakamucisya Pakuwungunya Cipanje Causimu. Pakusaka kulinga, awungunye kulekangana kwa maulamusi gamacili mnope pacilambo cosope gakugasala mu Danieli caputala 7 gagakwimilidwa ni cilombo.

• Ana nalijiganyeje Baibulo kwandaŵi jelewu wuli? Kulijiganya Baibulo ndaŵi syosope kukusatukamucisya kuŵa ŵakulimba mwausimu. Mpaka tutande kulijiganya kwa ndaŵi jamnono, kaneko pali papite ndaŵi mpaka tulijiganyeje kwa ndaŵi jelewu. Kulijiganya Maloŵe ga Mlungu kuli mpela tukusola cipanje cakusisika. Patupatile cipanjeco ni patukusalimbicila kusola! (Miy. 2:3-6) Kusacilila kwetu kulijiganya Maloŵe ga Mlungu kucijonjecekwa, soni kulijiganya Baibulo kuciŵa cisyoŵe cetu.—1 Pet. 2:2.

ANA YILOMBO YAKUYIKOLANGA MU DANIELI CAPUTALA 7 YIKWIMILA CICI?

• 

  Dan. 7:4

• 

  Dan. 7:5

• 

  Dan. 7:6

• 

  Dan. 7:7

CIWUSYO CAKONJECESYA:

Ana lilemba lya Danieli 7:8, 24 lyakwanilicikwe camtuli?

YANGUSAKA KULIJIGANYA LISIKU LINE:

Ana yilombo yakuyikolanga mu Ciunukuko caputala 13 yikwimila cici?