UMI WETU WACIKLISTU
Ana Cinjitumicilasoni Cakaci Mpela Mpayiniya Jwakamucisya?
Mesomkulola ga Esekiyele gakwamba ya nyumba ja Mlungu gakulosya kuti ŵandu ŵa Yehofa cacipelekaga mbopesi syakulisosela. Ana m’weji pajika mpaka tupelece nawo mbopesi syakulumbasi camtuli?—Ahe. 13:15, 16.
Litala lyambone mnope lili kutenda upayiniya wakamucisya. Caka ca 2018 ca undumetume, cicikola miyesi jejinji jakumala ni ma Lyakuŵeluka kapena ma Lyamlungu msano. Yeleyi yicakamucisya ŵakusakamula masengo gakulembedwa mwakutamilicika kulalicila nawo mnope kumbesi kwa cijuma. Konjecesya pelepa, ŵakulalicila mpaka asagule kutenda upayiniya wa maawala 30 kapena 50 m’miyesi ja March ni April, soni mwesi wacaciyika jwakulolela mkuli.
Nambi uli naga yindu nganiyiŵa cenene mwamti ngatukombola kutenda upayiniya wakamucisya? Mwangakayicila tucisacilila kwawusya pasogolo undumetume wetu, soni kutenda yampaka tukombole pakumalila ndaŵi jejinji pakulalicila. Cinga yindu yili uli paumi wetu, kumnonyela kwetu Yehofa kutulimbikasye kutenda yampaka tukombole m’caka ca 2018 ca undumetumeci!—Hos. 14:2.
Ana mpaka syasye camtuli mtawu wa Sabina Hernández?
ALOLELE FIDIYO JAKUTI MPAKA NDENDE CILICOSE CAMPAKA NGOMBOLE NI CIKAMUCISYO CA YEHOFA, KANEKO ATAGULILANE YIWUSYO YAKUYICISYAYI:
Ana cici cacikusatendekasya Sabina kutenda yejinji mu undumetume wa Yehofa?
Ana cisyasyo ca Sabina cikwalimbikasya camtuli wawojo?
Ana m’caka ca 2018 ca undumetumeci, ni mwesi (kapena miyesi) wapi ucacitenda upayiniya wakamucisya?