Asangalaleje ni Cembeceyo Cawo

Cembeceyo cetu cili mpela nangula. (Ahe. 6:19) Cikusatukamucisya m’weji kuŵambala yindu yampaka yijonanje usimu wetu. ( Tim. 1:18, 19) Yindu yakwe mpaka yiŵe, yakutengusya, konasika kwa yindu yetu yakucilu, ulwele wekulungwa, ciwa ca jwakunonyelwa jwetu kapena yindu yine yampaka yitutendekasye kuŵa ŵangakulupicika.

Cikulupi soni cembeceyo cetu cikusatukamucisya kulola cenene mbote jiŵatulagwisye. (2 Akoli. 4:16-18; Ahe. 11:13, 26, 27) M’yoyo, cinga cembeceyo cetu cili cakwawula kwinani kapena cakutama pasi pano, wosopewe tukusosekwa kucilimbisya mwakuganicisyaga yilanga yayili m’Maloŵe ga Mlungu. Kaneko patukusimana ni yakulingwa yiciŵa yangasawusya kuŵape ŵakusangalala.—1 Pet. 1:6, 7.

ALOSYE FIDIYO JAKUTI TUSANGALALEJE NI CEMBECEYO CETU, KANEKO ATAGULILANE YIWUSYO AYI:

• Ligongo cici Mose ali cisyasyo cambone?

• Ana mitwe ja maŵasa jikwete ukumu watuli?

• Ana ni yindu yapi yampaka asagule kutagulilana pa Kulambila kwa Peŵasa?

• Ana kola cembeceyo mpaka kwakamucisye catuli kuŵape ŵakusangalala pakusimana ni yipwetesi?

• Ana akwembeceya cici kusogolo?