Tukumbucileje Kwapopelela Aklistu Ŵakulagasidwa

Baibulo jalocesye kuti Satana cacitulagasya pakusaka kusokonasya undumetume wetu. (Yoh. 15:20; Ciu. 12:17) Ana mpaka twakamucisye catuli Aklistu acimjetu ŵakulagasidwa ŵali m’yilambo yine? Mpaka twapopelele jemanjajo. Pajatu ‘lipopelo lya mundu jwakulungama likusakamula masengo mnope.’—Yak. 5:16.

Ana tukusosekwa kwapopelela cici? Mpaka tum’ŵende Yehofa kuti ŵakamucisye abale ni alongo ŵetuwo kuŵa ŵakulimba mtima. (Yes. 41:10-13) Mpaka tum’ŵendesoni Yehofa kuti ŵakamucisye ŵakulamulila kuti akagaŵenga mnope ni masengo gakulalicila, ‘kuti tutameje ni umi wamtendele.’—1 Tim. 2:1, 2.

Paulo soni Petulo paŵalagasidwaga, Aklistu ŵa m’yaka 100 yandanda ŵapopelelaga mwakwakolanga mena. (Mase. 12:5; Alo. 15:30, 31) Atamose tukamanyilaga mena ga Aklistu ŵakulagasidwa, nambope mpaka tukolanje mipingo, yilambo kapena mikuli jakutyocela Aklistuwo.

Ngusaka kwapopelela Aklistu ŵakulagasidwa m’yilambo ayi: