Masengo Gapajiga Gagaŵila Sanja ja Mlonda mu September

Ŵandu pacilambo cosope akusosekwa kwatondoya. (Mlal. 4:1) M’yoyo, m’mwesi wosope wa September, tucikamula masengo gapajika mwamtawu gakwagaŵila ŵandu Sanja ja Mlonda jakwamba ya citondoyo. Tucigaŵila magasiniji pacilambo cosope. Nambope, pakuŵa tukusasaka kuŵeceta ni ŵandu kuti twatondoyeje, ngatukusosekwa kwamba kugaleka magasiniga panyumba naga nganitusimanapo ŵandu.

YAMPAKA AŴECETE

“Jwalijose akusasosekwa citondoyo ndaŵi sine. Nambo ana mpaka tucipate kwapi? [Aŵalanje 2 Akolinto 1:​3, 4.] Magasiniji jikusala yakusatenda Yehofa pakututondoya.”

Naga mundujo alosisye lung’wanu ni kupocela magasinijo, . . .

AMLOSYE KAFIDIYO KAKUTI LIGONGO CICI TUKUSOSEKWA KULIJIGANYA BAIBULO?

Kaneko tum’ŵende kuti tulijiganyeje najo Baibulo.

ALECE CIWUSYO CAKUTI CATAGULILANE PAULENDO WAKUYICISYA

Alece ciwusyo cacacijanga paulendo wakuyicisya, mpela cakuti ““Ana ligongo cici Mlungu akusakunda kuti ŵandu asimaneje ni yipwetesi?”