Amkulupilileje Yehofa Soni Atendeje Yambone

“Mkasimwakumbila ŵakutenda yakusakala”

37:1, 2

• Akakunda kuti kutenda cenene kwakandaŵi kwa ŵandu ŵakusakala kwasokonasye kutumicila Yehofa. Aŵiceje nganisyo syawo syosope pa yindu yausimu

“Amkulupilileje Yehofa soni atendeje yambone”

37:3

• Akulupilileje kuti Yehofa cacakamucisya pakulagasika nganisyo. Jwalakwe cacakamucisya kuti aŵe ŵakulupicikape

• Anonyeleje kulalicila ngani syambone syakwamba Ucimwene wa Mlungu

“Asangalaleje mwa Yehofa”

37:4

• Akoleje ndaŵi jakuŵalanga Maloŵe ga Mlungu soni kuganicisya yaŵalasileyo ni lisosa lyakuti am’manyilile cenene Yehofa

“Amkunde Yehofa kuti ŵalongoleleje”

37:5, 6

• Aŵeje ni cikulupi cakuti Yehofa cacakamucisya kumalana ni yakusawusya yakusimana nayo

• Pasimene ni ŵakwasisya, yipwetesi kapena kwalambucisya ngani jinejakwe, ajendelecele kola ndamo syambone

“Atame ngaŵeceta cilicose ali mkulindilila Yehofa”

37:7-9

• Aŵambaleje kutenda yindu mwakuwutuka miyasi yampaka yatendekasye kuti akasangalalaga soni kwasokonasya mwausimu

“Ŵandu ŵakuwusimana mtima cacipocela cilambo”

37:10, 11

• Aŵeje ŵakuwusimana mtima pakwembeceya kuti Yehofa atyosye ungali cilungamo watukusimana nawo

• Ŵakamucisyeje ŵakulupilila acimjawo, soni kwatondoya wosope ŵakasice mtima pakwasalila yalagucisye Yehofa yakwamba cilambo casambano caciŵandicileci