Yakutendekwa mu Undumetume wa Mumgunda

Malo gejinji kumwela kwa cilambo cetu ca Malawi cino kwatendekwe cikumba cakogoya. Ofesi ja nyambi mwacitema, jalinganyisye yakupeleka cikamucisyo. Paŵapocele cikamucisyo mlongo jwine jwatite, “Mbiya syatwapocele syaliji syakwanila kusumila milasi, yipepala, yakutaŵila soni yakulya. Nganitukombola kulipatila yeleyi pandaŵi jakusawusyaji. Sikomo kwejinji abale ligongo lyacikamucisyo ca pandaŵi jakwe.” Ŵajinji ŵatite, mkanitumalisye kum’ŵenda Yehofa kuti atukamucisye, jwalakwe ŵatukamucisye. (Yesaya 65:24) Atamose abale ni alongoŵa akusimana ni yakusawusya, nambo akwendelecelape kamula nawo masengo gakulalicila mwakulipeleka. Tukuyamicila kwejinji ligongo lya cisyasyo cawo cambone.