Yampaka Aŵecete

Pakutandisya Lijiganyo lya Baibulo Lyakuŵeluka Lyandanda mu May

“Tukuŵecetana ni ŵandu kandaŵi kamnono ya ciwusyo cakutesya lung’wanu aci. [Amlosye kunyuma kwa Nsanja ya Olonda ja May 1.] Ana wawojo mpaka ajanje kuti wuli?” Ajembeceye kuti ajanje. Atagulilane najo ngani jajili pasi pa ciwusyoco, soni aŵalanje lilemba limo pa malemba gagali pelepo. Amgaŵile magasini, soni alinganye yakuwujilako kuti akatagulilane ciwusyo cakuyicisya.

Nsanja ya Olonda May 1

“Tukuŵecetana ni ŵandu pangani jakwamba m’bujo. Ana wawojo akusaganisya kuti m’bujo muciŵa mwatuli? Ana pakuganicisya ya m’bujo akusaŵa ŵakusengwa kapena akusatendaga woga? [Ajembeceye kuti ajanje. Kaneko aŵalanje najo malemba gagali m’libokosi lyakuti “Yasasile Mlungu Pakwamba ya M’bujo.”] Magasini aji jikutagulila yiŵasasile Mlungu kuti yicitendekwa m’bujo, soni mwampaka tusimicisye kuti yicitendekwa yisyesyene.”

Galamukani! May

“Tukuŵecetana ni ŵandu pakwamba ya kumalana ni kulagasika nganisyo. Ana akwiticisya kuti ŵandu moŵa agano akulagasika mnope nganisyo kulekangana ni kala? [Ajembeceye kuti ajanje.] Ŵajinji akusajiticisya kuti Malemba ga m’Baibulo gakusakamucisya ŵandu kumalana ni kulagasika nganisyo. Alole lilemba limo. [Aŵalanje Matayo 6:34.] Magasini aji jikutagulila mwampaka Baibulo jitukamucisye kumalana ni yindu mcece yayikusatandisya kulagasika nganisyo.”

Amanyilile ayi: Ngani jeleji jili jakamucisya mnope kwa ŵandu ŵa bisinesi.